CƏMİYYƏT


Azərbaycanda quraşdırılacaq seysmik stansiyalarla bağlı müzakirələr aparılıb

Bakı, 18 noyabr, AZƏRTAC

Beynəlxalq qrant layihəsi çərçivəsində Azərbaycanda quraşdırılacaq yeni seysmik stansiyalarla bağlı növbəti müzakirələr keçirilib.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin informasiya şöbəsindən AZƏRTAC-a bildiriblər ki, “Zoom” platforması üzərindən keçirilən iclasda layihə iştirakçıları və tərəfdaş ölkələrin nümayəndələri yeni stansiyaların quraşdırılması istiqamətində görülmüş işlərə dair müzakirələr aparıblar.

İclasda mərkəzin zəlzələ ocaqlarının dinamikası şöbəsinin müdiri, geologiya-mineralogiya üzrə fəlsəfə doktoru, dosent Səbinə Kazımova və zəlzələlərin tədqiqatı bürosunun rəis müavini Ruqiyyə Kərimova iştirak ediblər.

R.Kərimova çıxışında beynəlxalq qrant layihəsi çərçivəsində İsmayıllı, Tovuz və Daşkəsən rayonlarında quraşdırılmış yeni stansiyalar haqqında danışıb.

Müzakirələrdə, həmçinin yeni seysmik stansiyaların quraşdırılması ilə bağlı ortaya çıxan digər texniki məsələlər haqqında da fikir mübadiləsi aparılıb.

Xatırladaq ki, layihə çərçivəsində ölkəmizdə 22 yeni seysmik stansiyanın quraşdırılması nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.