CƏMİYYƏT


Azərbaycanda uşaqlar arasında COVID-19-a yoluxma halları artıb

Bakı, 15 oktyabr, AZƏRTAC

Azərbaycanda uşaqlar arasında yeni növ koronavirus (COVID-19) infeksiyasına yoluxma halları artıb.

AZƏRTAC xəbər verir ki, bunu Səhiyyə Nazirliyinin mütəxəssis-eksperti Erkin Rəhimov nazirliyin instaqram hesabında "Yenidoğulmuşlarda görülən xəstəliklər" mövzusundakı çıxışı zamanı deyib.

Həkim-mütəxəssis bildirib ki, böyüklərin əksəriyyəti peyvənd olunduğu halda, çox az uşaq və ya yeniyetmə vaksin vurdurub: "Həmçinin məktəblər açıldığı üçün uşaqlar arasında ünsiyyət də artıb və bu, koronavirusa yoluxma riskini artırıb. Təkcə Azərbaycanda deyil, dünya ölkələrində də uşaqlar arasında COVID-19-a yoluxma ehtimalı və faktı artmaqdadır. Onu da qeyd edim ki, ölkədə yenidoğulmuşlar arasında da COVID-19-a yoluxanlar var. Hər yaş qrupunda, o cümlədən kiçik yaşlı uşaqlarda koronavirus infeksiyasını ağır keçirənlər mövcuddur".

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.