CƏMİYYƏT


Azərbaycanda yeni ekoturizm konsepsiyası hazırlanacaq

Bakı, 5 mart, AZƏRTAC

Azərbaycanda ekoturizmə maraq artır. Yalnız milli parklarda həyata keçirilən ekoturizm təbiətdən zövq almaq və onu dərk etmək məqsədi daşıyır. Ölkəmizdə ekoturizmin inkişafı üçün potensial var. Azərbaycanda iki ay ərzində yeni ekoturizm konsepsiyası hazırlanacaq. Hazırda xarici ekspertlərlə birlikdə bu istiqamətdə işlər aparılır.

AZƏRTAC xəbər verir ki, bu barədə Ekologiya və Təbii Sərvətlər Nazirliyinin Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamentinin direktoru Hikmət Əlizadə məlumat verib.

“Dövlət Turizm Agentliyinin dəvəti ilə bu yaxınlarda ölkəmizə almaniyalı ekspert gələrək milli parklarla tanış olub. Apreldə isə Çexiyadan mütəxəssisin gələcəyi gözlənilir. O, bizə milli parklarda nişanlama işlərinin aparılmasına kömək edəcək”, - deyə departamentin direktoru bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.