İQTİSADİYYAT


Azərbaycandan Birləşmiş Ərəb Əmirliklərinə efir yağları ixrac olunacaq

Bakı, 11 avqust, AZƏRTAC

Azərbaycan Respublikasının Birləşmiş Ərəb Əmirliklərindəki (BƏƏ) Ticarət Nümayəndəsi Aparatının dəstəyi və iştirakı ilə Zaqatala rayonunda yerləşən “Ləcheq” MMC ilə BƏƏ-nin Ajman şəhərindəki “Lavish Perfumes” şirkəti arasında efir yağlarının bu ölkəyə ixracına dair müqavilə imzalanıb.

Azərbaycanın İxracın və İnvestisiyaların Təşviqi Agentliyindən (AZPROMO) AZƏRTAC-a bildirilib ki, ilkin mərhələdə bu il ərzində 6 ton efir yağının BƏƏ-yə ixracı nəzərdə tutulur. Növbəti illərdə isə BƏƏ ilə yanaşı, digər Körfəz ölkələrinə də ixracla bağlı razılıq əldə edilib. Ajman Ticarət və Sənaye Palatasında keçirilmiş imzalanma mərasimində Ticarət Nümayəndəsi Aparatı tərəfindən gələcəkdə bu kimi şirkətlərin sayının artırılması, eləcə də Azərbaycan və Ajman şirkətləri arasında ikitərəfli görüşlərin keçirilməsi və ticarət əlaqələrinin genişləndirilməsi istiqamətində fikir mübadiləsi aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.