CƏMİYYƏT


Azərbaycandan göndərilmiş helikopter Gürcüstanın Borjomi bölgəsində yanğının söndürülməsində fəal iştirak edir

Tbilisi, 25 sentyabr, AZƏRTAC

Gürcüstanın Samtsxe-Cavaxeti regionunun Borjomi bölgəsindəki yanğının söndürülməsi əməliyyatları davam edir. Yanğınsöndürmə əməliyyatlarında biri Azərbaycana, ikisi Türkiyəyə, biri isə Gürcüstana məxsus dörd helikopter və 700 nəfər iştirak edir.

AZƏRTAC xəbər verir ki, bu sözləri jurnalistlərə Gürcüstanın regional inkişaf və infrastruktur naziri Zurab Alavidze söyləyib.

Onun sözlərinə görə, Gürcüstana məxsus ikinci helikopter fəaliyyətini dayandırıb.

Yanğın praktiki olaraq lokallaşdırılıb və alovun digər bölgələrə yayılma ehtimalı yoxdur.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.