CƏMİYYƏT


Azərbaycanın Baş prokuroru: Ermənistan silahlı qüvvələrinin dinc əhalimizə qarşı törətdiyi cinayət faktları üzrə 37 cinayət işi başlanıb

Bakı, 20 oktyabr, AZƏRTAC 

Ermənistan silahlı qüvvələrinin dinc əhalimizə qarşı törətdiyi cinayət faktları üzrə Azərbaycan Respublikasının Baş Prokurorluğu tərəfindən 37 cinayət işi başlanıb. Ərazidə həyati təhlükənin olmasına baxmayaraq, prokuror və müstəntiqlər tərəfindən əməliyyat-istintaq tədbirləri həyata keçirilməkdədir.

AZƏRTAC xəbər verir ki, bu barədə Azərbaycan Respublikasının Baş prokuroru Kamran Əliyev Şanxay Əməkdaşlıq Təşkilatına üzv dövlətlərin Baş prokurorlarının videokonfrans formatında keçirilən 18-ci iclasında çıxış edərkən deyib.

Baş prokuror bildirib ki, sentyabrın 27-dən etibarən bu günədək Ermənistanın mülki əhaliyə qarşı törətdiyi cinayətlər nəticəsində 7-si uşaq, 19-u qadın olmaqla 61 mülki şəxs həlak olub, 300-dən çox mülki vətəndaş ağır yaralanıb. Ümumilikdə 2500-dən çox yaşayış evi və mülki obyektə ciddi ziyan vurulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.