CƏMİYYƏT


Azərbaycanın Bolqarıstandakı səfirliyinin əməkdaşları faşizm üzərində qələbəyə həsr olunmuş tədbirdə iştirak ediblər

Sofiya, 9 may, AZƏRTAC

Azərbaycanın Bolqarıstandakı səfirliyi faşizm üzərində qələbənin 76-cı ildönümü ilə bağlı təşkil olunan mərasimdə iştirak edib.

AZƏRTAC xəbər verir ki, mayın 9-da Rusiyanın Bolqarıstandakı səfirliyinin təşəbbüsü ilə Sofiya şəhərinin “Knyajeska” parkında faşizm üzərində qələbənin 76-cı ildönümü ilə bağlı tədbir keçirilib.

Mərasimdə əsasən Bolqarıstanda akkreditə olunan diplomatik korpusun nümayəndələri, o cümlədən Azərbaycanın Bolqarıstandakı səfirliyinin əməkdaşları iştirak edib.

Tədbiri giriş sözü ilə açan Rusiyanın Bolqarıstandakı səfiri faşizm üzərində qələbədə keçmiş sovet respublikalarının rolundan danışıb.

Mərasim iştirakçıları müharibə qurbanlarının xatirəsini bir dəqiqəlik sükutla yad edib.

Daha sonra tədbir iştirakçıları tərəfindən, o cümlədən Azərbaycanın Bolqarıstandakı səfirliyi adından “Sovet ordusu” abidəsinin qarşısına əklil qoyulub.

Mərasim konsert proqramı ilə davam edib.

İqbal Hacıyev

AZƏRTAC-ın xüsusi müxbiri

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.