MƏDƏNİYYƏT


Azərbaycanın Misirdəki diaspor fəalları “Nil Mədəniyyət” televiziya kanalının qonağı olublar

Qahirə, 16 oktyabr, AZƏRTAC

“Vətənpərvər” – Azərbaycanın Misirdə Diaspor Təşkilatları Birliyinin fəal xanımları İnarə Osmanova, Səbinə Səmədova və Sandi Səlim Misirin nüfuzlu “Nil Mədəniyyət” dövlət televiziya kanalında “Mənim gecəm” proqramının qonağı olublar.

AZƏRTAC xəbər verir ki, canlı yayımlanan verilişin əsas mövzusu “Azərbaycan qadını keçmişdən bu günə qədər” olub.

Verilişdə azərbaycanlı xanımlarımız milli mətbəximizin, nişan və toy adətlərimizin Azərbaycan xalqının mədəniyyətində mühüm yerlərdən birini tutduğunu vurğulayıblar. Həmçinin milli geyimlərimizi nümayiş etdirərək geyim mədəniyyəti haqqında söhbət açıblar, Azərbaycanda qadınların təhsilə nə qədər böyük maraq göstərdiklərini qeyd ediblər. Diaspor fəalları Misirlə Azərbaycan arasında tarixi və mədəni əlaqələrdən də danışıblar.

Verilişdə Azərbaycanın xalq mahnısı “Sarı gəlini”i ifa edilib, ölkəmizin müasir simasını əks etdirən videoçarx nümayiş olunub.

Asya Hacızadə

AZƏERTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.