Azərbaycanın Qarabağ və Şərqi Zəngəzurun gələcək inkişafı ilə bağlı çox gözəl planları var

Zəngilan, 23 may, Səlim Rəhimzadə, AZƏRTAC

Mən Slovakiyadan gəlmişəm və burada hər şey maraqlıdır. ATƏT-in Parlament Assambleyasının nümayəndə heyətinin üzvü olaraq regionun hazırkı vəziyyətini görmək çox sevindirici haldır.

AZƏRTAC xəbər verir ki, bu sözləri Zəngilanda səfərdə olan slovakiyalı parlamentari Miloş Svrçek deyib.

Müsahib qeyd edib ki, Azərbaycanın Qarabağ və Şərqi Zəngəzurun gələcək inkişafı ilə bağlı çox gözəl planları var. “Zəngilan hava limanı modern üslubda tikilib və çox heyrətamizdir. Burada aparılan bərpa və yenidənqurma işlərinin şahidi olduq. İnanıram ki, tezliklə bu ərazidə həyat yenidən canlanacaq", - deyə o qeyd edib.