SİYASƏT


Azərbaycanın Qazaxıstandakı yeni səfiri etimadnaməsini bu ölkənin Prezidentinə təqdim edib

Nur-Sultan, 8 sentyabr, AZƏRTAC

Azərbaycanın Qazaxıstanda yeni təyin olunmuş fövqəladə və səlahiyyətli səfiri Ağalar Atamoğlanov etimadnaməsini bu ölkənin Prezidenti Kasım-Jomart Tokayevə təqdim edib.

Bu barədə AZƏRTAC-a Azərbaycanın Qazaxıstandakı səfirliyindən məlumat verilib.

Görüş zamanı Kasım-Jomart Tokayev səfir Ağalar Atamoğlanovu Qazaxıstanda missiyasına rəsmi olaraq başlaması münasibətilə təbrik edib, diplomatın peşəkar təcrübəsi sayəsində müxtəlif sahələrdə dövlətlərarası dostluq münasibətlərinin möhkəmlənməsinə töhfə verəcəyinə əminliyini bildirib.

Ölkəmizlə əməkdaşlıqdan danışan Kasım-Jomart Tokayev bildirib ki, Azərbaycan Avrasiya məkanında və Xəzər regionunda Qazaxıstanın əsas tərəfdaşlarından biridir.

Prezident qeyd edib ki, hazırda ən aktual vəzifə çoxşaxəli əməkdaşlığımızın bütün spektrinə əlavə dinamika verməkdir.

İlahə Əhmədova

AZƏRTAC-ın xüsusi müxbiri

Nur-Sultan 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.