Bakı, 19 iyun, AZƏRTAC

Futbol üzrə 19 yaşadək qızlardan ibarət Azərbaycan yığması Qazaxıstanın Şimkənd şəhərində təşkil olunmuş UEFA-nın inkişaf turnirinin qalibi olub.

AZƏRTAC xəbər verir ki, futbolçularımız iyunun 19-da turnirdə keçirdiyi son oyunda “Qazaxıstan-2” komandasına 7:0 hesabı ilə qalib gəlib. Yaiza Relea 5, Kristina Bakarandze isə 1 dəfə rəqib qapısına yol tapıb. Bir qolu qazaxıstanlı futbolçu öz qapısından keçirib.

Yığmamız turnirdəki ilk oyununda Qazaxıstan komandasına 2:0, ikinci qarşılaşmada isə Estoniya yığmasına 3:0 hesabı ilə qalib gəlmişdi.