ELM VƏ TƏHSİL


Azərbaycanın ali təhsil müəssisələri ilə Koreyanın INHA Universiteti arasında əməkdaşlıq imkanları müzakirə olunub

Bakı, 5 oktyabr, AZƏRTAC

Azərbaycanın elm və təhsil naziri Emin Əmrullayev Koreya Respublikasının INHA Universitetinin yeni təyin edilmiş rektoru Cho Myeong Voo ilə görüşüb.

AZƏRTAC xəbər verir ki, bu barədə Elm və Təhsil Nazirliyi məlumat yayıb.

Görüş zamanı “2019-2023-cü illər üçün Azərbaycanda ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində Bakı Mühəndislik Universiteti ilə INHA Universiteti arasında ali təhsilin bakalavriat səviyyəsində informasiya texnologiyaları, elektronika mühəndisliyi, elektrik mühəndisliyi, inşaat mühəndisliyi ixtisasları üzrə ikili diplom proqramının uğurlu icra edildiyi vurğulanıb və Azərbaycan Respublikasının ali təhsil müəssisələri ilə INHA Universiteti arasında yeni əməkdaşlıq imkanları müzakirə olunub.

Qeyd edək ki, hazırda sözügedən proqram çərçivəsində 276 tələbə təhsilini davam etdirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.