İDMAN
Azərbaycanın çimərlik voleybolçuları birinci Avropa Oyunlarına qələbə ilə başlayıblar [YENİLƏNİB] VİDEO
Azərbaycanı təmsil edən digər cütlük Vivian Cunha/Zinaida Lyubimova yarışda ilk qələbəsini qazanıb. Belə ki, voleybolçularımız danimarkalı Yeva Bang/Sisilie Olsen duetindən üstün olublar – 2:0.
14:13
Avropa Oyunları Parkında təşkil olunan qadınlar arasında çimərlik voleybolu yarışlarında Azərbaycan cütlüyü Yuliya Kərimova/Raquel Ferreira ilk qələbəsini qazanıb. Cütlüyümüz Polşanı təmsil edən Katarjina Koçiolek/Dorota Strag duetindən üstün olub – 2:0.
Çexiyalı voleybolçular Eliska Qalova/Karolina Rehaçkova ukraynalı Darya Udavenko/Yelizaveta Sulimaya, niderlandlı cütlük Sofie van Qastel/Cantine van der Vlist Bolqarıstan təmsilçiləri Svetla Angelova/İrena Mişonova, finlandiyalı Erika Nistrom/Emilla Nistrom isə yunanıstanlı Pigi Anna Metheniti/Panagiota Karagkouniyə 2:0 hesabı ilə qalib gəliblər.
İtaliyalı cütlük Julia Momoli/Daniela Qioria Belarus voleybolçuları Viktoriya Şalayeuşkaya/Viktoriya Siakretava duetini 2:1 hesabla məğlub edib.
11:02
Bakı, 16 iyun, Nəriman Həsənov, AZƏRTAC
İyunun 16-da "Bakı-2015" birinci Avropa Oyunlarında çimərlik voleybolu yarışlarına start verilib.
AZƏRTAC xəbər verir ki, Avropa Oyunları Parkında təşkil olunan yarışda Azərbaycanın iki qadın cütlüyü mübarizə aparacaq. Belə ki, Yuliya Kərimova/Raquel Ferreira Polşanı təmsil edən Katarjina Koçiolek/Dorota Strag cütünə, Vivian Cunha/Zinaida Lyubimova isə danimarkalı Yeva Bang/Sisilie Olsen duetinə qarşı yarışacaq.