İDMAN


Azərbaycanın cüdo üzrə milli komandası universiadada aktivinə daha bir medal yazdırıb

Bakı, 21 avqust, AZƏRTAC

Taypeydə keçirilən XXIX Ümumdünya Yay Universiadasının cüdo yarışlarının ikinci günündə milli komandamız aktivinə daha bir medal yazdırıb.

AZƏRTAC xəbər verir ki, ölkəmizi 90 kiloqram çəki dərəcəsində təmsil edən Firudin Dadaşov yarışda universiadanın bürünc medalına layiq görülüb.

Yarışlara 1/16 final mərhələsindən başlayan cüdoçumuz müvafiq olaraq Kolumbiya və İtaliya idmançılarını mübarizədən kənarlaşdırsa da, dörddəbir finalda Yaponiya təmsilçisi ilə görüşdə məğlub olub. Bürünc medal uğrunda görüşdə idmançımız Çexiya, Latviya və Qazaxıstan cüdoçularına qalib gələrək yarışda üçüncü yeri tutub.

Turnirin ilk günündə Azərbaycan idmançısı Zelim Kotsoyev (100 kq) universiadanın qızıl medalını qazanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.