Bakı, 27 yanvar (AZƏRTAC). Ötən il Azərbaycanın dəniz nəqliyyatında daşınmış yüklərin həcmi 12,4 milyon ton təşkil etmişdir. Yüklərin 60,5 faizini neft, 39,5 faizini isə quru yüklər təşkil etmiş və bütün daşımalar xarici əlaqə üzrə həyata keçirilmişdir.

Dövlət Statistika Komitəsindən AZƏRTAC-a bildirmişlər ki, 2012-ci ildə dəniz limanlarında 11,9 milyon ton yükləmə-boşaltma işləri həyata keçirilmiş və 0,4 faiz artım olmuşdur. İşlənmiş yüklərin 86,8 faizini təşkil edən beynəlxalq tranzit yüklərin həcmi 1,8 faiz artmış, idxal yüklərin həcmi isə 11 faiz azalmışdır.