İDMAN


Azərbaycanın pencak-silat millisi ABŞ-da keçiriləcək 44-cü Dünya Döyüş Oyunlarında iştirak edəcək

Bakı, 8 noyabr, AZƏRTAC

2020-ci il martın 6-8-də ABŞ-da məşhur idmançı Arnold Şvartseneggerin şərəfinə 44-cü Dünya Döyüş Oyunları keçiriləcək. Pencak-silat idman növü mötəbər turnirdə debüt edəcək.

AZƏRTAC xəbər verir ki, turnirdə pencak-silatla yanaşı, cüdo, taekvondo, karate, sambo, uşu, kunq-fu və digər döyüş növləri üzrə yarışlar təşkil olunacaq.

Azərbaycan Sindo-ryu və Pencak-silat Federasiyasının vitse-prezidenti Abbas Hünbətov yığma komandamızın üzvlərinin mötəbər yarışa qatılacaqlarını deyib.

Bildirib ki, Azərbaycanın pencak-silatçıları dünyada ciddi rəqib kimi qəbul olunurlar. Millimizin üzvləri arasında Avropa və dünya çempionatlarının qalib və mükafatçıları var. Ümid edirəm ki, idmançılarımız ABŞ-da təşkil olunacaq Dünya Döyüş Oyunlarında da uğurla çıxış edib, qazandıqları medallarla xalqımızı sevindirəcəklər.

A.Hünbətov qeyd edib ki, artıq yarışa hazırlıqla bağlı müəyyən planlar üzərində işləyirik. İlin sonunadək pencak-silatçılarımızı ciddi sınaqlar gözləyir. Ümumilikdə cari ili idmançılarımız üçün uğurlu hesab etmək olar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.