İQTİSADİYYAT


Azərbaycanın səkkiz ayda qonşu ölkələrə ixrac etdiyi elektrik enerjisinin həcmi açıqlanıb

Bakı, 24 sentyabr, AZƏRTAC

Yanvar-avqust aylarında ölkə üzrə elektrik enerjisinin ixracı 971,9 milyon kilovat/saat təşkil edib.

Energetika Nazirliyindən AZƏRTAC-a bildirilib ki, ötən ilin müvafiq dövrünə nisbətən ixrac 142,2 milyon kilovat/saat artıb. İrana 238,9 milyon kilovat/saat, Türkiyəyə 164,1 milyon kilovat/saat, Rusiyaya 63,7 milyon kilovat/saat, Gürcüstana isə 505,2 milyon kilovat/saat elektrik enerjisi ixrac olunub.

Səkkiz ay ərzində elektrik enerjisinin idxalı 110,6 milyon kilovat/saat olmaqla, ötən ilin eyni dövrünə nisbətən 15,9 milyon kilovat/saat artıb. İrandan 22,4 milyon kilovat/saat, Rusiyadan 63,5 milyon kilovat/saat, Gürcüstandan isə 24,7 milyon kilovat/saat elektrik enerjisi idxal edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.