MƏDƏNİYYƏT


Azərbaycanın təqdim etdiyi videoçarx beynəlxalq festivalda qalib seçilib

Varşava, 18 oktyabr, AZƏRTAC

Varşava şəhərində 14-cü "FilmAT" turizm festivalının qaliblərinin mükafatlandırılma mərasimi keçirilib.

AZƏRTAC xəbər verir ki, tədbirdə ölkəmizi Azərbaycan Turizm Bürosunun marketinq üzrə direktoru Fidan Əliyeva təmsil edib.

Festivalda müxtəlif nominasiyalar üzrə 75 qalib müəyyənləşdirilib. Azərbaycan tərəfi festivalda “Azerbaijan: Take another look” (Azərbaycan: Başqa bir baxış) adlı turistik videoçarx ilə təmsil olunub və “Ölkənin ən yaxşı təbliğ filmi” nominasiyası üzrə qalib seçilib. Mükafat Fidan Əliyevaya təqdim edilib.

Qeyd edək ki, videoçarx Dövlət Turizm Agentliyinin nəzdində fəaliyyət göstərən Azərbaycan Turizm Bürosu tərəfindən hazırlanıb.

Aygün Əliyeva

AZƏRTAC-ın xüsusi müxbiri

Varşava

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.