MƏDƏNİYYƏT


Azərbaycanın turizm çarxını müsabiqədə birinci edək

Bakı, 3 oktyabr, AZƏRTAC

Azərbaycan Turizm Bürosu Beynəlxalq Turizm Filmləri Festivalları Komitəsi (CIFFT) tərəfindən həyata keçirilən müsabiqənin onlayn səsverməsində iştirak edir.

Dövlət Turizm Agentliyindən AZƏRTAC-a bildirilib ki, Azərbaycanın turizm potensialının təbliği və onun daha geniş kütləyə tanıdılması məqsədilə “BBC World News” üçün hazırlanmış “Azərbaycan: mədəniyyət və əyləncənin qovuşduğu yer” adlı videoçarx təşkilatın rəsmi veb-saytında “İnsanların seçimi” mükafatına namizədlər siyahısında yer alır.

Oktyabrın 20-dək davam edəcək müsabiqədə Azərbaycanı birinci etmək üçün https://bit.ly/AzerbaijanVote  linkinə keçid edərək hər hansı qeydiyyat tələb olunmadan   "Vote" yazısına klik edə bilərsiniz.

Qeyd edək ki, müsabiqədə 22 ölkədən 49 namizəd iştirak edir. Mükafatlandırma mərasimi Avstriyanın paytaxtı Vyanada keçirilir və ilin ən yaradıcı və innovativ səyahət videoları mükafatla təltif edilir.

Beynəlxalq Turizm Filmləri Festivalı Komitəsi (CIFFT) 1989-cu ildə yaradılıb.

Xatırladaq ki, 2019-cu ildə təşkilat tərəfindən keçirilən müsabiqədə Azərbaycanın tanıtım videoçarxı “İnsanların seçimi” nominasiyasının əsas mükafatı olan Qran-Pri mükafatına layiq görülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.