İDMAN


Azərbaycanın və Çilinin Paralimpiya komitələri əməkdaşlığa başlaya bilər

Bakı, 16 sentyabr, AZƏRTAC

Azərbaycan Milli Paralimpiya Komitəsinin (AMPK) baş katibi Kamal Məmmədov Çilinin Azərbaycandakı səfirliyinin müvəqqəti işlər vəkili Fidel Coloma ilə görüşüb.

AMPK-dan AZƏRTAC-a bildiriblər ki, F.Coloma Azərbaycan komandasının “Tokio-2020” XVI Yay Paralimpiya Oyunları zamanı əldə etdiyi yüksək nailiyyətlərlə bağlı komitənin baş katibi Kamal Məmmədovu təbrik edib, ölkədə Paralimpiya Hərəkatının yüksək səviyyədə inkişaf etdiyini vurğulayıb.

F.Coloma ölkəsinin də Paralimpiya dəyərlərinə önəm verdiyini bildirib, AMPK ilə Çili Paralimpiya Komitəsi arasında əlaqələrin qurulmasının vacibliyini qeyd edib. O, idman sahəsində müxtəlif proqramlar çərçivəsində birgə əməkdaşlığı dəstəklədiyini vurğulayıb.

Daha sonra tərəflər gələcək əməkdaşlıqla bağlı bir sıra məsələləri müzakirə ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.