MƏDƏNİYYƏT


Azərbaycanla Gürcüstan arasında turizm əlaqələrinin inkişaf etdirilməsi müzakirə olunub

Bakı, 26 yanvar, AZƏRTAC

Yanvarın 26-da Gürcüstanın Tbilisi şəhərində Dövlət Turizm Agentliyi və Gürcüstanın İqtisadiyyat və Davamlı İnkişaf Nazirliyi arasında turizm əlaqələrinin inkişafı ilə bağlı işgüzar görüş keçirilib.

Görüş çərçivəsində Dövlət Turizm Agentliyinin sədrinin müşaviri Kənan Quluzadə və Gürcüstanın iqtisadiyyat və davamlı inkişaf nazirinin müavini Mariam Kvirivişvili arasında birgə turların və məhsulların yaradılması üzrə hazırlanan “Azərbaycan-Gürcüstan birgə səyahət layihəsi” barəsində müzakirələr aparılıb.

Dövlət Turizm Agentliyindən AZƏRTAC-a bildirilib ki, müzakirələrdə Azərbaycan və Gürcüstanın müəyyən hədəf bazarlar üçün birgə turlar və məhsullarla çıxış etməsi ilə yanaşı, müştərək marketinq və təbliğat kampaniyası aparılmasının və bu sahədə iki ölkənin turizm sənayesinin üzvlərinin qarşılıqlı fəaliyyətinin məqsədəuyğunluğu vurğulanıb.

Görüşdə Azərbaycan ilə Gürcüstan arasında turizm və mülki aviasiya sahəsində əməkdaşlığın prioritet istiqamətləri, pandemiya ilə mübarizə tədbirləri çərçivəsində turizmin bərpası və inkişafı, postpandemiya dövründə turizmin təşkili ilə bağlı fikir mübadiləsi aparılıb.

Qeyd edək ki, layihəyə əsasən planlaşdırılan birgə turların əsas hədəfi Avropanın bəzi ölkələri ilə yanaşı, Çin, Yaponiya, İndoneziya, Malayziya, ABŞ və Kanadadan olan, daha çox uzunmüddətli səyahətə üstünlük verən turistlər olacaq.

Xatırladaq ki, 2019-cu ildən etibarən Tbilisi şəhərində Azərbaycana turlar və səfərlər haqqında məlumatların verildiyi "Azerbaijan.Travel" adlı qonaq mərkəzi fəaliyyətdədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.