İQTİSADİYYAT


Azərbaycanla Türkiyə arasında KOB sahəsində birgə layihələrin həyata keçirilməsinə dair fikir mübadiləsi aparılıb

Bakı, 18 fevral, AZƏRTAC

Türkiyəyə səfər çərçivəsində Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov bu ölkənin Kiçik və Orta Müəssisələrin İnkişafı və Dəstəklənməsi Təşkilatının (KOSGEB) rəhbəri Hasan Basri Kurt ilə görüşüb.

KOBİA-dan AZƏRTAC-a verilən məlumata görə, görüşdə iki ölkə arasında KOB sahəsində əməkdaşlıq imkanlarına, Türkiyənin KOB sektorunda uğurlu təcrübəsinin Azərbaycanda tətbiqinə, birgə tədbirlərin və layihələrin həyata keçirilməsinə dair fikir mübadiləsi aparılıb. Qeyd olunub ki, Azərbaycan bütün sahələrdə, o cümlədən KOB sahəsində dost və qardaş Türkiyə ilə əməkdaşlıq edir və bu istiqamətdə KOSGEB və KOBİA yaxın tərəfdaşlardır. Agentlik KOSGEB-in KOB-ların dəstəklənməsi, bilik və bacarıqlarının artırılması, maliyyəyə çıxışının asanlaşdırılması istiqamətlərində təcrübəsindən yararlanmaqda maraqlıdır, o cümlədən postpandemiya dövründə KOSGEB-in KOB-lara göstərəcəyi dəstək tədbirləri xüsusi maraq kəsb edir.

Görüşdə, həmçinin pandemiya dövründə KOB-ların elektron ticarət platformalarından istifadəsinin genişləndirilməsi imkanlarına dair müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.