MƏDƏNİYYƏT


Azərbaycanlı alim “Kabar” Milli İnformasiya Agentliyinə müsahibə verib

Bişkek, 6 oktyabr, AZƏRTAC

Qırğızıstanın Çolpon-Ata şəhərində “Çingiz Aytmatov və müasir dövrün çağırışları” Beynəlxalq İssık-Kul Forumu davam edir.

AZƏRTAC xəbər verir ki, Forumda iştirak edən kulturoloq, Azərbaycan Prezidenti yanında Dövlət İdarəçilik Akademiyasının professoru Fuad Məmmədov “Kabar” Milli İnformasiya Agentliyinin müxbirinə müsahibəsində deyib: “Bu gün dünyada gərginlik, ksenofobiya, anlaşılmazlıq, münaqişələr, müharibələr hökm sürür. Biz dünyanı xilas etməliyik, bunu isə yalnız mədəniyyət vasitəsi ilə etmək mümkündür. Mənim irəli sürdüyüm ideyaya görə biz ən yüksək mədəniyyətli insanlar yetişdirmək üçün səylərimizi birləşdirməliyik. Mən bunun kulturoloji yolla həyata keçirilməsi üçün mexanizmlər təklif edirəm. Bunun üçün xüsusi kulturoloji mərkəzlər yaradılmalıdır. Bu mərkəzlərdə seminarlar, treninqlər, usta dərsləri vasitəsilə ictimaiyyətlə dialoq qurulmalıdır”.

Qulu Kəngərli

AZƏRTAC-ın xüsusi müxbiri

Bişkek

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.