SİYASƏT


Azərbaycanlı deputat AŞPA-nın sessiyasında internet idarəçiliyinin əhəmiyyətindən danışıb VİDEO

Strasburq, 23 yanvar, AZƏRTAC

“İnternet idarəçiliyi və insan hüquqları” məruzəsində internetin bir sıra insan hüquqlarının reallaşmasında, bərabərsizliyə qarşı mübarizədə, inkişafın sürətləndirilməsində və bəşəriyyətin təkamülünün sürətləndirilməsində əvəzsiz rolu xatırlanıb.

Bu fikri AŞPA-nın qış sessiyasında Azərbaycan nümayəndə heyətinin üzvü Naqif Həmzəyev qurumun Liberal Demokratlar qrupu adından “İnternet idarəçiliyi və insan hüquqları” məruzəsinin müzakirələri zamanı söyləyib. O bildirib ki, internetin bəşəriyyətin iqtisadiyyat, sosial, ticarət, maliyyə, innovasiya, azadlıqların icrası kimi bütün sahələrində böyük potensialı var. Qeyd edib ki, bu günə qədər görülən işlərə baxmayaraq, milli səviyyədə rəqəmsal bölgü, dövlət senzurası və təkmilləşdirilmiş kibertəhlükəsizlik imkanları sahələrində hələ görüləcək çox işlər var. Bu gün yaşadığımız rəqabətliliyin artdığı və dinamik dünyada, insan hüquqlarının bir hissəsi olan təhlükəsizliyin qorunub saxlanması üçün internet əsas amildir.

Azərbaycanlı deputat dünyanın inkişafını elektron rabitə vasitələrsiz təsəvvür etmək mümkün olmadığını, insanların qarşılıqlı əlaqəyə ehtiyacları olduğunu vurğulayıb. Bildirib ki, beynəlxalq konsensus və standartların yaranması prioritet olmalıdır. Dünyada internet idarəçiliyi mühitinin yaradılmasına ehtiyac var.

Şəhla Ağalarova

AZƏRTAC-ın xüsusi müxbiri

Strasburq

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.