SİYASƏT
Azərbaycanlı deputat AŞPA-nın sessiyasında komitə sədri vəzifəsini icra edib
Strasburq, 12 aprel, AZƏRTAC
Strasburqda AŞPA-nın yaz sessiyasında qurumun mədəniyyət, elm və təhsil komitəsinin hazırladığı “Sosial media: ictimai mövzular, ya insan haqları üçün təhlükələr?” adlı qətnamə layihəsi təqdim olunaraq müzakirə edilib.
AZƏRTAC xəbər verir ki, Azərbaycan nümayəndə heyətinin üzvü Ülviyyə Ağayeva müzakirələr zamanı mədəniyyət, elm və təhsil komitəsinin sədri vəzifəsini icra edib.
Qeyd edək ki, Ülviyyə Ağayeva AŞPA-nın qış sessiyasında qurumun mədəniyyət, elm və təhsil komitəsinin vitse-prezidenti seçilib.
Şəhla Ağalarova
AZƏRTAC-ın xüsusi müxbiri
Strasburq