REGİONLAR


Azərbaycanlı gənc “Caspian” adlı avtomobil modelinin dizaynını hazırlayıb - FOTO

Bakı, 8 yanvar, Həsrət Mahmudova, AZƏRTAC

Azərbaycanlı gənc yeni avtomobil modelinin dizaynını hazırlayıb.

“Caspian” adlanan avtomobil modelinin layihə rəhbəri və dizayneri Ramil Nəcəfovdur. O, 1992-ci ildə Şəkidə anadan olub. Modelin vizual görüntülərini 3D MAX proqramında Tamerlan Qəribov və Ağa İsmayılzadə işləyib.

Dizayner Ramil Nəcəfov AZƏRTAC-a bildirib ki, bu modeldə həcmi 1600 və 1700 kubsantimetr olan, 130-150 at gücündə və 5-6 slindirli müasir mühərriklər tətbiq oluna bilər. Həmçinin ABC əyləc sistemindən istifadə olunması da mümkündür. Ön və arxa stop lampaların müasir led-işıqlanma ilə təchiz olunması nəzərdə tutulur.

“Caspian”ın loqosunda qartal təsviri və dəniz dalğası həkk olunub.

Ramil Nəcəfovun sözlərinə görə, bu layihə təkmilləşdirilərək gələcəkdə yerli avtomobil sənayesinə, həmçinin dünya bazarına çıxarıla bilər. Bunun üçün investisiya lazımdır. O, bu layihəni işləməklə Azərbaycanda, eləcə də Xəzəryanı dövlətlərdə avtomobil istehsalı ilə məşğul olan şirkətlərin, investorların diqqətini çəkmək istəyir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.