ELM VƏ TƏHSİL


Azərbaycanlı gənc alimin ötən həftə iki məqaləsi ABŞ-ın impakt faktorlu jurnallarında dərc olunub

Bakı, 22 oktyabr, AZƏRTAC

Azərbaycan Milli Elmlər Akademiyasının (AMEA) Riyaziyyat və Mexanika İnstitutunun gənc alimi, mexanika üzrə fəlsəfə doktoru Emin Bağırovun son həftədə ikinci elmi məqaləsi ABŞ-ın impakt faktorlu “Computer Modeling in Engineering and Sciences” jurnalında dərc olunub.

AMEA-dan AZƏRTAC-a bildirilib ki, məqalə “Boş silindr və ətraf mühitdən ibarət olan qeyri-bircins əvvəlcədən gərginləşmiş sistemin məcburi rəqsləri” (Forced vibration of the non-homogeneously pre-stressed system consisting of the hollow cylinder and surrounding medium) mövzusuna həsr olunub.

Xatirladaq ki, gənc alimin daha əvvəlki məqaləsi ABŞ-ın nüfuzlu “Computers, Materials and Continua” jurnalında yer alıb. Hər iki məqalənin dərc edildiyi dərgilər “Web of Sciences” və “Scopus” bazalarında indeksləşir, həmçinin kompüter, riyaziyyat və mexanika sahələrində yüksək nüfuzlu jurnallar sırasındadır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.