İDMAN


Azərbaycanlı hakim Çempionlar Liqasında LASK – “Bazel” oyununu idarə edib

Bakı, 14 avqust, AZƏRTAC

Azərbaycanlı FIFA referisi Əliyar Ağayev Çempionlar Liqasının üçüncü təsnifat mərhələsində LASK (Avstriya) – “Bazel” (İsveçrə) görüşünü idarə edib.

AZƏRTAC xəbər verir ki, meydan sahiblərinin 3:1 hesabı ilə qalib gəldikləri oyunda Ə.Ağayev 35 kobudluq qeydə alıb.

Referimiz futbolçulara iki rəsmi xəbərdarlıq edib. O, hər komandadan bir oyunçuya sarı vərəqə göstərib.

Qeyd edək ki, LASK iki oyunu nəticəsinə görə (2:1, 3:1) pley-off mərhələsinə yüksəlib.

2015-ci ildə UEFA Avropa Liqasının qrup mərhələsi çərçivəsində keçirilən “Rapid” (Avstriya) – “Dinamo” (Minsk, Belarus) oyununu idarə edərək, bu turnirin qrup mərhələsində hakimlik etmiş ilk azərbaycanlı kimi tarixə düşmüşdü.

2016-cı ildə UEFA-nın I kateqoriyasına keçməklə, UEFA Çempionlar Liqasında qrup və pley-off oyunlarına təyinat almaq hüququ qazanıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.