İDMAN


Azərbaycanlı hakim “Hapoel”-“Valero” oyununa təyinat alıb

Bakı, 8 fevral, AZƏRTAC

Azərbaycanlı hakim Fuad Ağayev qadın voleybol komandaları arasında Çağırış kuboku yarışlarına təyinat alıb.

AZƏRTAC Avropa Voleybol Konfederasiyasına istinadla xəbər verir ki, təmsilçimiz turnirin dörddəbir final mərhələsinin cavab oyunları çərçivəsində keçiriləcək “Hapoel” (İsrail)-“Valero” (İsveçrə) qarşılaşmasında ikinci hakim funksiyasını yerinə yetirəcək. Görüşün baş hakimi belçikalı Paul Herbots olacaq.

Oyun fevralın 14-də İsrailin Kfar Saba şəhərindəki “Green Hall” Arenada keçiriləcək.

Qeyd edək ki, komandalar arasında İsveçrədə təşkil olunan ilk oyunda “Valero” qələbə qazanıb – 3:0.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.