MƏDƏNİYYƏT


Azərbaycanlı ifaçı beynəlxalq mahnı müsabiqəsində ikinci yeri tutub

Bakı, 22 iyun, AZƏRTAC

Faşizm üzərində qələbənin 70, Sovet İttifaqı Qəhrəmanı Aliyə Maldequlovanın isə anadan olmasının 90 illiyi münasibətilə qəhrəmanın vətəni Qazaxıstanın Aktübe şəhərində silsilə xatirə tədbirləri keçirilib.

Bu tədbirlərdə Azərbaycan Bəstəkarlar İttifaqının katibi, Üzeyir Hacıbəylinin ev muzeyinin direktoru, əməkdar incəsənət xadimi Sərdar Fərəcov da iştirak edib.

Üzeyir Hacıbəylinin ev muzeyindən AZƏRTAC-a bildirilib ki, silsilə tədbirlər sırasında qəhrəmanın abidəsini ziyarət, Rusiya və Qazaxıstanın uşaq kollektivlərinin festivalı, rəsm sərgisi, Aliyə Maldequlovanın doğulduğu Bulaq kənd stadionunda 200-dən artıq iştirakçının təqdim etdiyi tamaşa və Sərdar Fərəcovun da münsif olduğu beynəlxalq mahnı müsabiqəsi yer alıb.

İki turdan ibarət bu müsabiqədə iştirak edən həmyerlimiz, Müslüm Maqomayev adına Azərbaycan Dövlət Filarmoniyasının solisti, müğənni Fəxri Kazım Nicat uğurla çıxış edərək ikinci yerin qalibi olub. Həmyerlimizə diplom və pul mükafatı təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.