ELM VƏ TƏHSİL


Azərbaycanlı kimyaçı alimin beynəlxalq simpoziumda məruzəsi maraqla qarşılanıb

Bakı, 20 iyul, AZƏRTAC

Azərbaycan Milli Elmlər Akademiyasının (AMEA) Naxçıvan Bölməsinin Təbii Ehtiyatlar İnstitutunun direktoru, AMEA-nın müxbir üzvü Əliəddin Abbasov Fransanın Tours şəhərində “Həllolunma və tarazılıq prosesləri” mövzusunda keçirilən 18-ci beynəlxalq simpoziumda iştirak edib.

AMEA-dan AZƏRTAC-a bildirilib ki, beş gün davam edən simpoziumda dünyanın bir sıra ölkələrinin elm adamlarının fundamental və tətbiqi elmlərin termodinamik tarazılıq və həllolunma sahələrində aparılan tədqiqatlarla bağlı məruzələri dinlənilib.

Beynəlxalq tədbirdə ölkəmizi təmsil edən AMEA-nın müxbir üzvü Əliəddin Abbasov “Sorbent-metal-ion qarışıqlı sistemlərdə tarazlıq” mövzusunda məruzə ilə çıxış edib. Kimyaçı alimin çıxışı tədbir iştirakçıları tərəfindən maraqla qarşılanıb, məruzə ətrafında ciddi müzakirələr aparılıb.

Qeyd edək ki, hər il ardıcıl keçirilən beynəlxalq simpozium çərçivəsində ilk dəfə məhlullar və onların xalq təsərrüfatında tətbiqinə dair xüsusi sessiya da təşkil olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.