MƏDƏNİYYƏT


Azərbaycanlı rəssamın əsərləri Parisdə “Espace Nesle” qalereyasında sərgilənir

Paris, 20 oktyabr, AZƏRTAC

Fransanın paytaxtı Parisin “Espace Nesle” sərgi salonunda Azərbaycan Rəssamlar İttifaqının üzvü Nigar Nərimanbəyovanın əsərləri nümayiş olunur.

Qalereyada rəssamın “Sevgi oyuncaqları” seriyasından 5 əsəri sərgilənib. Bunlardan “Marionetka” tablosu Rusiya Rəssamlıq Akademiyasının Muzey-Sərgi Kompleksinin Zurab Tsereteli İncəsənət Qalereyasında fransız rəssamların əsərləri ilə birlikdə, digər əsərləri isə Parisin əsas sərgi salonu “Qrand Pale”də (Grand Palais) nümayiş etdirilib.

N. Nərimanbəyova Parisdə “Qrand Pale”də keçirilən “Art en capital” sərgisində “Adajio” diptixinə görə “TOİLE D'OR” mükafatına layiq görülüb. Bununla da o, “2016-cı ilin Fransada və Avropada ən yaxşı rəssamı” statusunu qazanıb.

Parisdə rəssamlar arasında böyük nüfuza malik “Stella Art İnternational” Assosiasiyasının sədri Stella Kalinina azərbaycanlı rəssamın əsərlərinin əsas məziyyətindən bəhs edərək bildirib ki, Nigar Nərimanbəyova ilə artıq 5 ildir birlikdə işləyir. Onun əsərləri insanlara nağıla dönmüş xoş və unudulmaz uşaqlıq illərini xatırladır, sərgi ziyarətçilərində yüksək əhval-ruhiyyə yaradır. O qeyd edib ki, rəssam tamaşaçıları dərindən düşünməyə sövq edən mənalı mövzu seçir. Stella Kalinina gələcəkdə Nigar Nərimanbəyobanın fərdi sərgisini təşkil edəcəklərini də vurğulayıb.

Sərgi oktyabrın 22-dək davam edəcək.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.