MƏDƏNİYYƏT


Azərbaycanlı rəssamın əsərləri Sen-Tropedə sərgilənəcək

Paris, 19 sentyabr, AZƏRTAC 

Gənc rəssam Məryəm Ələkbərlinin əsərləri Fransanın Sen-Trope şəhərində sərgilənəcək.

AZƏRTAC xəbər verir ki, Galerie JLM qalereyasında gənc rəssamın beş əsəri təqdim olunacaq.

“Voiles de Saint-Tropez” yelkənli qayıq yarışlarını izləmək üçün dünyanın müxtəlif ölkələrindən Fransaya gələcək səyyahlar oktyabrın 4-də Məryəm Ələkbərlinin vernisajında iştirak etmək və onun əsərləri ilə tanış olmaq imkanı qazanacaqlar.

Əsərləri dünyanın bir çox ölkələrində nümayiş olunmuş, Jerar Depardye, Maykl Duqlas, Con Travolta kimi böyük kolleksiyaçıların qəlbini fəth etmiş gənc azərbaycanlı rəssamın əsərləri cari ilin dekabr ayında ABŞ-da keçiriləcək “Aqua à l'Art Basel de Miami” sərgisində də nümayiş olunacaq.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.