ELM VƏ TƏHSİL


Azərbaycanlı şagirdlər beynəlxalq olimpiadada uğur qazanıblar

Bakı, 11 dekabr, AZƏRTAC

Gürcüstanın paytaxtı Tbilisidə məktəblilərin informatika fənni üzrə beynəlxalq komanda olimpiadası keçirilib.

Təhsil Nazirliyindən AZƏRTAC-a bildiriblər ki, beynəlxalq komanda olimpiadası 6 regionda təşkil olunur. Şagirdlərimiz Cənub regionu (Azərbaycan, Gürcüstan, Ermənistan) üzrə yarışda iştirak ediblər.

Bu region üzrə 19 komandanın qatıldığı müsabiqədə Azərbaycanı Fizika, riyaziyyat və informatika təmayüllü liseyin şagirdləri Abutalıb Namazov, Murad Eynizadə, İbrahim Tağızadə təmsil ediblər. Yarışda Cənub regionu üzrə 2-ci yerə layiq görülən komandamız beynəlxalq komanda olimpiadasının üçüncülük diplomu ilə mükafatlandırılıb.

Müsabiqədə iştirak etməkdə məqsəd 2019-cu ildə keçiriləcək beynəlxalq informatika olimpiadasının hazırlıq planına uyğun olaraq, şagirdlərimizin səviyyələrini müəyyənləşdirmək, təcrübələrini artırmaq və hazırlıq prosesini daha da intensivləşdirməkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.