MƏDƏNİYYƏT


Azərbaycanlı tələbələr İsraildə təcrübə keçəcək

Bakı, 11 aprel, AZƏRTAC 

Azərbaycan Turizm və Menecment Universiteti (ATMU) tələbələrin ölkə daxilində və xaricdə yerləşən nüfuzlu otellərdə, həmçinin müvafiq strukturlarda 2 və 5 aylıq təcrübə semestrində iştirakına xüsusi önəm verir.

ATMU-nun mətbuat xidmətindən AZƏRTAC-a bildirilib ki, bu istiqamətdə işlərin davamı olaraq universitetin 30-dək 3-cü kurs tələbəsi İsrailin Eilat şəhərindəki “İsrOtellər” şəbəkəsinin nüfuzlu otellərində 5 ay müddətində istehsalat təcrübəsi keçmək məqsədilə bu ölkəyə yola düşüb.

Qeyd edək ki, yola düşməzdən əvvəl tələbələrlə İsrailin Bakıdakı səfirliyində görüş keçirilib. Görüşdə İsrailin ölkəmizdəki səfiri Dan Stav Azərbaycan Turizm və Menecment Universiteti ilə “İsrOtel” mehmanxanalar şəbəkəsi arasındakı əməkdaşlıq çərçivəsində gerçəkləşən proqramın 9-cu fəaliyyət ilinin də səmərəli olacağına əminliyini bildirib, tələbələrə növbəti təcrübə semestrində uğurlar arzulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.