MƏDƏNİYYƏT


Azərbaycanlı tələbələr Macarıstanda keçirilən Beynəlxalq Mədəniyyət Gecəsində iştirak ediblər

Budapeşt, 16 aprel, AZƏRTAC

Macarıstanın Seqet şəhərində fəaliyyət göstərən Seqet Universitetində Beynəlxalq Mədəniyyət Gecəsi keçirilib.

AZƏRTAC xəbər verir ki, 230 qonağın iştirakı ilə keçirilən tədbirdə xarici tələbələr öz milli musiqi və rəqslərini nümayiş etdiriblər. Həmçinin onlar kulinariya müsabiqəsində iştirak ediblər. Adıçəkilən universitetdə təhsil alan azərbaycanlı tələbələr də tədbirə qatılaraq milli rəqslərimizi və mətbəximizin nümunələrini təqdim ediblər.

Çıxışlarına Müslüm Maqomayevin “Azərbaycan” mahnısının canlı ifası ilə başlayan azərbaycanlı tələbələr Tofiq Quliyevin “Biz mehriban ailəyik” mahnısı ilə gecəyə xoş əhval-ruhiyyə qatıblar. Sonra tələbələrimiz milli rəqsimiz olan “Yallı” haqqında ətraflı məlumat verib, bu musiqinin sədaları altında rəqs ediblər.

Tədbir çərçivəsində səfirliyin dəstəyi ilə hazırlanan Azərbaycan guşəsində ölkəmiz haqqında kitab, broşür və digər çap məhsulları və milli mətbəximizin nümunələri təqdim olunub.

Pərvanə Qarayeva

AZƏRTAC-ın xüsusi müxbiri

Budapeşt 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.