İQTİSADİYYAT


“Azəriqaz”: Dörd ayda daxil olan müraciətlərin 162 mindən çoxu sayğaclarla bağlı olub

Bakı, 27 may, AZƏRTAC

Cari ilin ilk 4 ayında “Azəriqaz” İstehsalat Birliyinin Çağrı mərkəzinə 418 min 602 müraciət daxil olub.

AZƏRTAC xəbər verir ki, bu sözləri Birliyin Qəza-çağrı xidmət şöbəsinin rəisi Xalidə Şimşək deyib.

Bildirib ki, bu, ötən ilin eyni dövrü ilə müqayisədə 18 min 424 müraciət azdır. “Bu müraciətlərdən 30 min 518-i təbii qazın təzyiqi ilə bağlı, 21 min 744 müraciət təbii qazın olmaması, 19 min 639-u qaz sızmaları, 162 min 683 müraciət isə sayğaclarla bağlı olub”, - deyə o əlavə edib.

Şöbə rəisi, həmçinin təbii qazın olmaması səbəbindən Birliyə daxil olan 21 min 744 müraciətin 10 min 352-nin istehlak olunan təbii qaza görə yaranan debitor borc səbəbindən qaz təminatının dayandırılması ilə bağlı olduğunu da diqqətə çatdırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.