“Azəriqaz”: Oğuz sakinlərinin qaz təchizatı ilə bağlı sualları cavablandırılıb

Bakı, 7 iyul, AZƏRTAC

İyulun 7-də sayca 103-cü “Açıq mikrofon” aksiyası Oğuz rayonunda baş tutub.

“Azəriqaz”dan AZƏRTAC-a bildirilib ki, Oğuz rayonunda böyük marağa səbəb olan aksiya vasitəsilə vətəndaşlar müraciətlərini “Azəriqaz” İB-nin rəhbərliyinə ünvanlayıblar. Onları maraqlandıran suallara elə yerindəcə cavab tapan vətəndaşlar keçirilən aksiyadan məmnunluqlarını bildiriblər. Görüşdə səsləndirilən bütün təkliflər, iradlar və problemlər “Azəriqaz” İB-nin məsul şəxsləri tərəfindən qeydiyyata alınıb. Qeydə alınan bütün müraciətlər isə öz növbəsində Birlik rəhbərliyinin tapşırığına uyğun olaraq müvafiq tabeli təşkilatlar tərəfindən icra ediləcək.