REGİONLAR


“Azəriqaz” Salyan rayonunda fəaliyyət göstərən sahibkarlarla görüş keçirib

Bakı, 2 dekabr, AZƏRTAC

Biz “Azəriqaz” İB-nin rəhbərliyinin təşəbbüsü ilə ənənəvi olaraq keçirilən “Açıq mikrofon” aksiyası çərçivəsində sizləri dinləmək, qaz təminatı ilə bağlı yaranan problemlərinizin həllinə yerindəcə köməklik göstərmək və sizin müraciətlərinizi Birliyin rəhbər şəxslərinə çatdırmaq üçün buradayıq.

İB-dən AZƏRTAC-a bildirilib ki, bu sözləri Salyan rayonu, Təzəkənd kəndində sahibkarlarla keçirilən görüş zamanı Birliyin Yeni qazlaşma və inkişaf şöbəsinin rəis müavini İlham Mehbalıyev deyib.

KOBİA nümayəndəsi Ayaz Əbdülov aksiyada iştirak etmələrinin əsas məqsədinin sahibkarların problemlərini dinləmək və onların yerli kommunal xidmətlərə qoşulmalarına köməklik göstərmək olduğunu vurğulayıb.

Sahibkarlardan Əhmədov İlqar, Əliyev Qəzənfər, Ağamalıyev Teymur və digərləri istifadələrində olan istixanalar üzrə yaranmış debitor borcun ödənilməsində onlara güzəşt olunmasını xahiş ediblər.

Sahibkarlarla yanaşı, vətəndaşlar da aksiyaya maraq göstəriblər. Belə ki, Quyçu kənd sakini mənzilinin qazlaşdırılmasına köməklik göstərilməsini istəyib.

Salyan Regional Qaz İstismarı İdarəsinin rəhbərliyinin iştirak etdiyi aksiyada bütün müraciətlər qeydiyyata alınıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.