İQTİSADİYYAT


“Azəriqaz”da magistrantlarla görüş olub

Bakı, 13 yanvar, AZƏRTAC

“Azəriqaz” İstehsalat Birliyi ilə Azərbaycan Memarlıq və İnşaat Universiteti arasında bağlanmış müqaviləyə əsasən, universitetin Biznesin iqtisadiyyatı və menecment kafedrasında “Dayanıqlı şəhərsalma və regionların planlaşdırılması” proqramı üzrə magistratura pilləsində təhsil alan Kamran Vəliyev və Əlibəy Əlizadə magistr dissertasiyasına rəhbərlik üçün birliyə göndəriliblər.

“Azəriqaz”dan AZƏRTAC-a bildirilib ki, birliyin baş direktoru Ruslan Əliyev magistrantlarla görüşüb, onların təhsil istiqamətləri üzrə tədqiqat aparmaq istədikləri sahələrlə maraqlanıb, dissertasiya mövzusunu müəyyənləşdirmək üçün tapşırıq və tövsiyələrini verib.

Görüşdə, həmçinin birliyin İnsan Resursları Departamentinin rəisi Xəqani Bəşirov, Yeni qazlaşma və inkişaf şöbəsinin rəisi Teymur Cəfərov da iştirak edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.