İQTİSADİYYAT


“Azəriqaz”ın Çağrı mərkəzi son üç ayda 187 mindən çox zəng qəbul edib

Bakı, 15 avqust, AZƏRTAC

“Azəriqaz” İB-nin “104” Qəza-çağrı xidməti şöbəsinin rəisi Xalidə Şimşək bildirib ki, son 3 ayda 187 min 236 zəng qəbul edilib.

AZƏRTAC xəbər verir ki, bunların 6 faizi qaz təzyiqi, 7,8 faizi qaz sızması, 80 faizi isə yerində həllini tapan suallar olub. Müraciətlər daha çox kart yüklənməsi, məlumat xarakterli və sair kimi mövzuları əhatə edib.

Şöbə rəisi, həmçinin sakinləri qaz sızması və bu kimi təhlükəli hadisələrin baş verməməsi üçün daha diqqətli olmağa çağırıb.

X.Şimşək qeyd edib ki, mümkün olduqca səhər evdən bütün ailənin çıxdığı zaman qazı ventildən bağlamaq daha məsləhətlidir. Mənzildə uzun müddət yaşayış olmadığı vaxtlarda isə qaz idarəsinə bildirilməsi lazımdır. Bu zaman “Azəriqaz” əməkdaşları tərəfindən ventil bağlanılır, qapayıcı plomb qoyulur və hər hansı hadisə olduğu zaman buna “Azəriqaz” cavabdehlik daşıyır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.