İQTİSADİYYAT


“Azəriqaz”ın baş direktoru Qubada vətəndaşların təbii qazla bağlı problemlərini dinləyib

Bakı, 21 iyun, AZƏRTAC

“Azəriqaz” İstehsalat Birliyinin baş direktoru Ruslan Əliyev Quba rayonunda vətəndaşlarla görüş keçirib.

İB-dən AZƏRTAC-a bildirilib ki, qəbulda Birlik rəhbəri ilə yanaşı, Xaçmaz Regional Qaz İstismarı İdarəsinin (RQİİ), Quba xidmət sahəsinin rəhbər şəxsləri də iştirak ediblər.

Görüşdə Xaçmaz RQİİ-nin xidmət sahələrindən olan vətəndaşların problem və təklifləri dinlənilib. Vətəndaşlar görüş zamanı Quba rayonunun Yalavanc, Bağçalı, Zərqava, Davudoba, Səbətlər, İdrisiqışlaq, İqriq və digər kəndlərin qazlaşdırılmasını Birlik rəhbərindən xahiş ediblər. Bundan əlavə, qəbul zamanı fərdi qazlaşma, yeni yaşayış massivlərinə küçə qaz xəttinin çəkilməsi, işə qəbul və digər məsələlərə toxunulub. Birliyin baş direktoru Ruslan Əliyev qəbula üz tutan 45-dək vətəndaşı fərdi olaraq dinləyib və qaldırılan məsələlərin həlli barədə Xaçmaz Regional Qaz İstismarı İdarəsinin struktur rəhbərlərinə müvafiq tapşırıq verib. Vətəndaşların qəbul zamanı qaldırdıqları məsələlərin bir qismi yerindəcə həllini tapıb.

Vətəndaşlar müraciətlərinə baxılması üçün onlara yaradılan şəraitə görə Birlik rəhbərinə təşəkkür ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.