İQTİSADİYYAT


“Azərişıq” ötən beş ildə gördüyü işləri açıqlayıb

Bakı, 14 fevral, AZƏRTAC

“Azərişıq” ASC 2015-2019-cu illər ərzində gördüyü işləri açıqlayıb.

ASC-dən AZƏRTAC-a bildirilib ki, ötən beş ildə 41 ədəd 110 kilovoltluq (kV), 110 ədəd 35 kV-luq yarımstansiya, 135 ədəd 10-6 kV-luq transformator məntəqəsi (TM), 3943 ədəd 10-6 kV-luq komplekt transformator məntəqəsi (KTM) tikilib. Həmçinin 35 min 505 kilometr müxtəlif gərginlikli elektrik verilişi xətləri (EVX) çəkilib, 42 ədəd 110 kV-luq və 258 ədəd 35 kV-luq yarımstansiya, 12 min 300 ədəd 10-6 kV-luq TM və KTM, eləcə də 22 min kilometr müxtəlif gərginlikli EVX-ləri təmir edilib.

Bundan başqa, 590 yaşayış məntəqəsinin 0,4 kV-luq elektrik şəbəkələri tam yenidən qurulub.

Gücü 55 meqavat təşkil edən Yeni Yaşma və Şurabad qəsəbələrində külək elektrik stansiyaları bərpa olunaraq elektrik şəbəkələrinə qoşulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.