“Azəristiliktəchizat”ın rəhbərliyi Sumqayıtda vətəndaşlarla görüşəcək

Bakı, 2 dekabr, AZƏRTAC

Dekabrın 23-ü saat 10:00-da “Azəristiliktəchizat” ASC-nin sədrinin vəzifələrini müvəqqəti icra edən İlham Mirzəliyev Sumqayıt şəhərində Sumqayıt, Abşeron, Zəngilan sakinləri üçün vətəndaş qəbulu keçirəcək.

ASC-dən AZƏRTAC-a bildirilib ki, qəbulda istilik və isti su təchizatı ilə bağlı vətəndaşları maraqlandıran suallar cavablandırılacaq, istilik təchizatına dair sakinlərin problemləri dinləniləcək.

Qəbul Sumqayıt şəhəri, Zülfü Hacıyev küçəsi, Heydər Əliyev Mərkəzində keçiriləcək.