İQTİSADİYYAT


“Azərkosmos” ASC-nin maliyyə hesabatları üzrə aparılan auditin nəticələri açıqlanıb

Bakı, 18 sentyabr (AZƏRTAC). Maliyyə auditi sahəsində dünya üzrə “böyük dördlüyə” daxil olan “Ernst&Young” şirkətinin Azərbaycan ofisi tərəfindən “Azərkosmos” ASC-nin 2013-cü il üzrə maliyyə hesabatlarının auditi həyata keçirilib.

AZƏRTAC xəbər verir ki, auditin yekununa əsasən “Azərkosmos” ASC hesabatlılıq prinsipinə əsasən fəaliyyət göstərir və maliyyə göstəricilərini şəffaf şəkildə maraqlı tərəflər qarşısında açıqlayır. Peyk operatoru maliyyə hesabatlarını Mühasibat Uçotunun Beynəlxalq Standartları Şurası (“MUBSŞ”) tərəfindən tərtib olunmuş Maliyyə Hesabatlarının Beynəlxalq Standartları (“MHBS”) əsasında hazırlayır. Bu,“Ernst&Young” şirkətinin Azərbaycan ofisi tərəfindən “Azərkosmos” ASC-də keçirilmiş ikinci audit yoxlamasıdır.

Qeyd edək ki, Qafqazda yeganə peyk operatoru olan “Azərkosmos” ASC rəqəmli yayım, VSAT şəbəkələri və digər telekommunikasiya xidmətlərinin göstərilməsi üçün peyk tutumları təqdim edir. Ötən ilin fevral ayında orbitə buraxılan və “Azərkosmos” ASC tərəfindən idarə edilən “Azərspace-1” peyki 46° Şərq uzunluğu orbital mövqeyində yerləşir və Avropa, Afrika, Yaxın Şərq, Qafqaz və Mərkəzi Asiya regionlarını əhatə edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.