İQTİSADİYYAT


“Azərpambıq ASK” MMC-nin əməkdaşları Silahlı Qüvvələrə Yardım Fonduna aylıq maaşlarından ianə ediblər

Bakı, 13 oktyabr, AZƏRTAC

Hər bir azərbaycanlı düşmən üzərində tam qələbənin əldə edilməsi uğrunda başladığımız bu haqq mübarizəsinə öz töhfəsini verməyə çalışır. Xalqın milli birlik və vəhdət nümayiş etdirdiyi bu günlərdə hər bir ölkə vətəndaşı Milli Ordunun yanında olmağı müqəddəs borc bilir.

“Azərbaycan Sənaye Korporasiyası” ASC-dən AZƏRTAC-a bildirilib ki, Qarabağ bölgəsində genişmiqyaslı hərbi əməliyyatların aparıldığı bir zamanda “Azərpambıq ASK” MMC-nin əməkdaşları da işğal altında olan torpaqlarımızın azad olunması uğrunda mübarizə aparan müzəffər ordumuza dəstək məqsədilə Azərbaycan Respublikasının Silahlı Qüvvələrinə Yardım Fonduna aylıq maaşlarından ianə ediblər.

“Azərpambıq ASK” MMC-nin kollektivi Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi ilə torpaqlarımızı işğaldan azad edən Şanlı Ordumuzla qürur duyur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.