İDMAN


“Azərreyl” klubu Çağırış kuboku yarışlarında iştirakdan imtina edib

Bakı, 6 avqust, AZƏRTAC

Azərbaycan koronavirus pandemiyası ilə əlaqədar voleybol üzrə avrokubokların 2020/2021-ci il mövsümündə təmsil olunmayacaq.

AZƏRTAC xəbər verir ki, ölkəmizi qitə miqyaslı turnirlərdə təmsil etməli olan yeganə klub – Bakının qadınlardan ibarət “Azərreyl” komandası avrokuboklarda mübarizə aparmayacaq. Çağırış kubokunda çıxış etməli olan Bakı klubu koronavirusla bağlı məhdudiyyətlər üzündən turnirə qatılmamağı məqsədəuyğun sayıb.

Paytaxt təmsilçisi artıq bu barədə Avropa Voleybol Konfederasiyasına (CEV) da məlumat verib.

Avrokubok turnirlərinin püşkü avqustun 21-də atılacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.