İDMAN


“Azərsu” həndbol klubu ölkə çempionatında liderliyini davam etdirir

Bakı, 6 noyabr, AZƏRTAC

Qadın həndbolçuların Azərbaycan çempionatında növbəti turun oyunları keçirilib.

AZƏRTAC Azərbaycan Həndbol Federasiyasının rəsmi saytına istinadla xəbər verir ki, çempionatın lideri “Azərsu” “İdman Akademiyası” komandasını sınağa çəkib. Nominal meydança sahibinin üstünlüyü ilə keçən qarşılaşmada sürpriz qeydə alınmayıb. Daha inamlı oyun göstərən “Azərsu” 20 top fərqi ilə qalib gəlib – 38:18.

Yarışın autsayderi – “Gənclər Birliyi”nin “qara zolaqdan” qurtulmaq cəhdi bu dəfə də alınmayıb. “Qarabağ”ın kəskin həmlələrini dəf etməkdə çətinlik çəkən “Gənclər Birliyi” 22:44 hesabı ilə uduzub.

“Azərsu” 6 oyundan maksimum nəticə ilə çempionatın vahid lideridir. Ondan 3 oyun az keçirən “Azəryol” 4 xalla ikinci pillədə qərarlaşıb. Eyni xalı 4 oyuna qazanan “Qarabağ” 3-cü yerdədir. “Olimpiya” ilə “İdman Akademiyası” hərəyə 3 xalla 4-cü–5-ci yerləri bölüşür. Aktivinə hələ ki, xal yazdıra bilməyən “Gənclər Birliyi” yarışın autsayderidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.