CƏMİYYƏT


“Azərsu” ümummilli lider Heydər Əliyevin 99-cu il dönümü münasibətilə ağacəkmə aksiyası keçirib

Bakı, 10 may, AZƏRTAC

Azərbaycan xalqının ümummilli lideri Heydər Əliyev respublikaya rəhbərlik etdiyi dövrlərdə ekoloji sabitliyin qorunması və ətraf mühitin mühafizəsi məsələlərinə xüsusi diqqətlə yanaşmış, paytaxt Bakı şəhərində və regionlarda yaşıllaşdırma işlərinə, yeni yaşıllıq sahələrinin yaradılmasına önəm vermişdir. Ulu Öndər tərəfindən əsası qoyulmuş ekoloji siyasət bu gün Prezident İlham Əliyev tərəfindən uğurla davam etdirilir. Dövlətimizin başçısının tapşırıq və tövsiyələrinə uyğun olaraq “Azərsu” ASC ölkədə ekoloji vəziyyətin yaxşılaşdırılması məsələlərinə xüsusi diqqət yetirir və yaşıllaşdırma tədbirlərinə öz töhfəsini verməkdədir.

ASC-dən AZƏRTAC-a bildirilib ki, ümummilli lider Heydər Əliyevin anadan olmasının 99-cu ildönümü münasibətilə “Azərsu”nun kollektivi “+ 82 Şərq” su anbarının ərazisində ağacəkmə aksiyası keçirib. Cəmiyyətin İdarə Aparatının və Bakı Sukanal İdarəsinin əməkdaşları tərəfindən mərkəzi su anbarının ərazisində 300-dən artıq şam ağacı əkilib, həmçinin ötən illərdə əkilmiş ağaclara qulluq edilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.