İQTİSADİYYAT


“Azexport.az” portalı 393,6 milyon ABŞ dolları dəyərində ixrac sifarişləri alıb

“Azexport.az” portalı 393,6 milyon ABŞ dolları dəyərində ixrac sifarişləri alıb

Bakı, 30 noyabr, AZƏRTAC

Cari ilin yanvar-oktyabr aylarında “Azexport.az” portalına 393,6 milyon ABŞ dolları dəyərində ixrac sifarişləri daxil olub.

AZƏRTAC İqtisadi İslahatların Təhlili və Kommunikasiya Mərkəzinin “İxrac icmalı”nın noyabr sayına istinadla bildirir ki, bu ilin oktyabrında “Azexport.az” portalına daxil olan ixrac sifarişlərinin dəyəri isə 37,3 milyon dollardır. Oktyabrda “Azexport.az” portalına edilən ixrac sifarişlərinin pambıq yağı, kərə yağı, qurğuşun, tikinti kərpici, toyuq əti, xurma, fındıq, tütün, mühərrik yağı buğda unu və sair məhsullar üstünlük təşkil edib.

Məlumat üçün bildirək ki, 2017-ci ilin yanvar ayından 2022-ci il sentyabrın 30-dək (70 ay ərzində) “Azexport.az” portalına dünyanın 145 ölkəsindən daxil olan ixrac sifarişlərinin dəyəri 3,1 milyard dollar olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.